’n Groot grys muur omhels ’n klein grys wêreld. Kleur is net ’n herinnering. Hier woon Geelgrommel en Blougrommel – die laaste oorblywende kleure. Geelgrommel vang sonlig. Blougrommel probeer reëndruppels vang. En ‘n Grommel dra altyd ‘n hoed.

Toe breek ’n dag aan wat nie soos elke gewone grommerige grommeldag lyk nie... Daar is ‘n gehoor vol mense wat hulle dophou! Die fluisteringe van die muurmannetjies word ‘n warrelwind… Wat gebeur as die mure tussen ons begin draai? Wat gebeur as teenoorgesteldes mekaar vind, in ‘n betowerende oomblik?

Kom saam op ’n speelse ontdekkingsreis, waar drome van kleur begin groei. As jy net jou oë oopmaak…

Grommels is die wenner van die 2026 kykNET Fiësta Toekenning vir Beste Kinder- en Jeugteater en die 2025 Kanna Toekenning vir Beste Aanbieding in Kinderteater, asook die ontvanger van ‘n Standard Bank Ovation Award by die 2025 National Arts Festival.

Taal:

Grommels is hoofsaaklik nie-verbaal,…