Na suksesvolle vertonings in Kaapstad, by Theatre Arts, en ’n staande applous wat die nar laat bloos het, bring Sjaka S. Septembir sy fisieke en absurd-poëtiese produksie Dolliwarie na Die Koelkamers vir ’n eenmalige opvoering.

In ’n tronksel vol herinneringe, drome en skaduwees, word die verhaal van ’n vervreemde pa-seun verhouding ontvou. Dolliwarie is donker-komies, ryk aan beeldtaal, klank en beweging — met verwysings na die absurde wêreld van Kafka en die speelse hart van die clown-tradisie.

Wat gebeur wanneer ons nie meer speel nie? Wanneer skuld en stilte sterker praat as liefde?

Met poëtiese eenvoud, skerp humor en visuele teater vertel Dolliwarie die verhaal van ’n mens wat probeer ontsnap uit die vorms wat hom vasdruk.

Resensente het dit beskryf as “’n fever dream of absurd beauty and emotional truth” (Robyn Cohen, The Cape Robyn).