#WINTERBYDIEKOELKAMERS

Die legendariese Suid-Afrikaanse kunstenaar Dozi bring op Woensdag 8 Julie 2026 ’n besondere akoestiese vertoning na Die Koelkamers Teater — ’n aand van rou emosie, eerlike stories en tydlose musiek.

Bekend vir sy diep stem, opregte lirieke en unieke vermoë om met gehore te connect, het Dozi oor die jare een van die mees geliefde kunstenaars in Afrikaans geword. Met treffers wat generasies saam laat sing het, staan hy bekend vir musiek wat reguit uit die hart kom.

Hierdie intieme akoestiese produksie stroop die musiek terug na sy essensie — net Dozi, sy kitaar en die stories agter die liedjies. Die gehoor kan uitsien na ’n warm, egte en persoonlike ervaring waar elke noot en elke woord gevoel word.

In die unieke atmosfeer van Die Koelkamers beloof hierdie vertoning om een van daardie spesiale wintersaande te wees waar musiek, nostalgie en menswees saamvloei.