Om Die Koelkamers-Teater se 5de verjaarsdag te vier, bring ons met trots twee ikone op een verhoog.

Direk van die Woordfees kom Jana Cilliers en Koos Kombuis saam in Omwentelinge — ’n intieme woord-en-musiekaanbieding waar taal, liriek en wysie mekaar ontmoet. Hulle besin oor die draaie van die lewe, die dinge wat ons vorm, en die musiek wat ons almal verbind.

Omwentelinge is poëties, eerlik en soms speels: ’n gesprek tussen twee kreatiewe swerwers, ingekleur deur Koos se eiesoortige liedjies en Jana se fyn teks.

✨ ’n Unieke geleentheid om twee van Suid-Afrika se mees geliefde kunstenaars saam te beleef.

Teks en samestelling: Jana Cilliers