Na 17 jaar professionele saksofoon speel en die wêreld deurtoer het, bring Hiram Koopman met Sax in Afrikaans die klassieke Afrikaanse musiek waarop hy grootgeword het, op ’n unieke manier tot lewe. Verwag treffers soos “Hillbrow”, “Voshaarnooi”, “Blouberg se Strand” en meer, vertolk soos jy dit nog nie gehoor het nie.

Die aand is nie net musiek nie - Hiram deel ook stories van sy musikale ervarings. Sy musikale regisseur, Grandall Vlotman, ondersteun die vertolkings op klavier, saam met ’n volle orkes wat die klassiekers ekstra ryk en lewendig maak.