The Stage Performing Arts Studio bied aan:

Slapende Skoonheid & die Bose Feë

In die verre Noorde – in ’n koninkryk so mooi, waar die wolke aan die hemel hang en die son sak in goud en rooi – begin ’n storie vir die eeue, vir almal om te hoor. ’n Storie van ’n baba, ’n bose en woorde wat kan toor.

Met oorspronklike choreografie deur Braeden Buys, ’n slim en verrassende teks deur Siobhan Taljaard, en regie vol kleur en karakter deur Yolandè Rabè, is dié produksie alles behalwe slapend. Hierdie unieke hervertelling van die klassieke sprokie beloof om gehore te laat skaterlag, sing en saam droom…

Met Chanté Schagen as die Slapende Skoonheid en Marlon Britz as die Bose Feë, word kykers ingesleep in ’n wêreld van feëtjies en foutlose vloeke.

‘n Sprokiesverhaal vir die hele gesin – met ’n moderne kinkel, kleurryke kostuums, vrolike liedjies en tonele…